‘दाङ्खाली बा’का ४६ जना क्रियापुत्री, ८ छोरा परदेशमा

उदयपुर / उदयपुरका दाङ्खाली बाले परिचित लालबहादुर विष्टकाे ९० वर्षको उमेरमा गत साउन ७ गते निधन भयाे । समाजसेवी, शिक्षासेवी, राजनीतिज्ञ समेत रहेका विष्टकाे निधनले गाँउ नै शाेकमा परेकाे छ । यूँ गाविसबाट ४ पटक वडाध्यक्ष, पटक -पटक चण्डिबजार व्यवस्थापन समिति अध्यक्ष, थिदिन्खा गाउँ पञ्चायतका दुई कार्यकालका निर्वाचित भएका प्रधानपञ्चसमेत भएका विष्ट सामाजिक काममा सक्रिय थिए ।

७ श्रीमती, १९ छोरा, १२ छोरी, १७ बुहारी, ४७ नाति, ३२ नातिनी, १२ पनाति र १० पनातिनीका धनी दाङ्खाली बाकाे निधनले विष्ट परिवार पनि शाेकमा पर्याे ।

११ छोरा, १२ छोरी, १७ बुहारी, ६ आमाले शनिबार १० औं दिनको कर्म गरे । परदेशमा रहेका ८ छोराबाहेक छोरा/छोरी र बुहारी गरेर ४६ जना एकै ठाउँमा क्रिया कर्म गरेका थिए ।

प्रदेश १ का मुख्यमन्त्री शेरधन राई समेत दिवंगत विष्टको आत्मा शान्तिको कामनाका लागि विष्टकाे निवास पुगेका थिए । प्रदेश सभा सदस्यहरु, स्थानीय जनप्रतिनिधि लगायतले श्रद्धाञ्जली अर्पण गरे । मुख्यमन्त्री राईले असल अभिभावक गुमाएको बताए ।

Related Posts

Leave a Reply

Your email address will not be published. Required fields are marked *